Ny webinarserie skal styrkje integrering av naturomsyn på tvers av sektorar: Sirkulær økonomi
Arrangementsdetaljer
Sekretariatet for Konvensjonen om biologisk mangfald (CBD) lanserer våren 2026 ein ny webinarserie kalla Communities of Practice, med mål om å styrkje integreringa av omsyn
Arrangementsdetaljer
Sekretariatet for Konvensjonen om biologisk mangfald (CBD) lanserer våren 2026 ein ny webinarserie kalla Communities of Practice, med mål om å styrkje integreringa av omsyn til naturmangfald innanfor og på tvers av samfunnssektorar.
Webinarserien følgjer opp eit vedtak frå FNs naturtoppmøte i Colombia (2024), der partane bad sekretariatet leggje til rette for erfaringsutveksling og samarbeid mellom sektorar om såkalla mainstreaming av naturmangfald. Initiativet er meint å støtte gjennomføringa av Naturavtalen.
Erfaringsutveksling mellom sektorar
Føremålet med serien er å dele erfaringar, beste praksis, eksisterande verktøy og innovative løysingar for korleis naturmangfald kan integrerast betre i avgjerder og verkemiddel innanfor ulike sektorar. Webinarserien skal mellom anna bidra til å synleggjere samanhengar mellom politikk for natur, klima og berekraftig utvikling.
Målgruppa er brei og inkluderer partar til konvensjonen, andre styresmakter, urfolk, lokalsamfunn, kvinne- og ungdomsorganisasjonar, regionale og lokale styresmakter, samt relevante aktørar frå sivilsamfunn, nettverk og privat sektor.
Planlagde tema våren og sommaren 2026
Webinarserien blir gjennomført i perioden mai–september 2026, med eigne sesjonar retta mellom anna mot:
- Sirkulær økonomi (14. mai 2026) – Les mer om webinaret
- Gruvedrift (26. mai 2026)
- Finans (2. juni 2026)
- Fiskeri (9. juni 2026)
- Skogbruk (16. juni 2026)
- Reiseliv (datoar blir fastsette seinare)
- Handel (datoar blir fastsette seinare)
- Jordbruk (september 2026)
Endelege datoar og nærare skildringar av kvart einskild webinar vil bli oppdatert fortløpande.