Årdal kommune, som ligg ved inngangsporten til Jotunheimen nasjonalpark, står som vertskap for konferansen. I tillegg til faglege foredrag og diskusjonar, får deltakarane oppleve spektakulær vestlandsnatur, lokal industrihistorie og kultur.
Konferansen opnar tysdag 3. juni med innlegg frå mellom andre ordførar Christian Sønstlien, Hydro Aluminium, tidlegare statssekretær Alexander Øren Heen og forskarar frå Vestlandsforsking og UiT. Tema som industri og bærekraft, turismens utfordringar og digital besøksforvaltning står på programmet.
Onsdag vert det vidare fagleg program i Årdal Teknologipark før deltakarane tek turen til Utladalen for guida vandringar til Avdalen og utsiktspunktet over Vettisfossen. Alternativt kan ein utforske nasjonalparksenteret og delta i kunst- og lydprosjekt i naturen.
Torsdag 5. juni rundast konferansen av med årsmøte i NPKL, strategipresentasjon og politiske diskusjonar før heimreise.
Konferansen samlar over 50 personar frå medlemskommunar, forvaltarar, forskarar og reiselivsaktørar frå heile landet, og legg til rette for samarbeid og felles innsats for ei berekraftig utvikling i og rundt nasjonalparkane våre.
